نرخی زێڕ لە جیهاندا بەردەوامە لە بەرزبوونەوە و لە ئێستادا ئۆنسەیەک لەو کانزا زەردە بە دوو هەزار و ٥٢٦ دۆلار مامەڵەی پێوە دەکرێت، لە بازاڕەکانی هەرێمیش، بەراورد بە هەفتەی رابردوو هەر مسقاڵێک زێڕ پێنج بۆ شەش هەزار دینار بەرز بووەتەوە.
لە ئێستادا و بە گوێرەی پێنوێنیی جیهانیی، گرامێک زێڕ بە ٨١ دۆلار و ٢٣ سەنت و کیلۆگرامێکیش بە ٨١ هەزار و ٢٢٨ دۆلار مامەڵەی پێوە دەکرێت.
هاوکات، لە بازاڕەکانی هەرێم و بەراورد بە
هەفتەی رابردوو، نرخی ئەو کانزا زەردە بەرزبوونەوەی بە خۆیەوە بینیوە و بە تێکڕا
بۆ هەر مسقاڵێک، پێنج بۆ شەش هەزار دینار نرخەکەی بەرز بووەتەوە.
ئەوەش لەکاتێکدایە، لە چەند هەفتەی رابردوودا
نرخی زێڕ بە شێوەیەکی بەرچاو بەرز بووەوە و گەیشتە بەرزترین ئاستی لە مێژوودا.
نرخی مسقاڵێک زێڕ لە بازاڕەکانی هەرێم بەم جۆرەیە:
زێڕی عەیار ١٨ به ٤٥٦ هەزار دینار
زێڕی عەیار ٢١ به ٥٣١ هەزار دینار
زێڕی عەیار ٢٢ به ٥٥٦ هەزار دینار
زێڕی عەیار ٢٤ به ٦٠٦ هەزار دینار