AM:08:16:25/08/2024
804 جار خوێندراوەتەوە
دوای بڕیارەکەی ئۆپیک پڵەس بۆ دووبارە کەمکردنەوەی بەرهەمهێنانی نەوت، ماوەی چەند رۆژێکە نرخی نەوت رووی لە بەرزبوونەوە کردووە و لە ئێستادا بەرمیلێک نەوتی خاوی برێنت بە ٧٩ دۆلار و دوو سەنت مامەڵەی پێوە دەکرێت، بەراورد بە دوێنێ نرخەکەی جێگیرە.
ئەمڕۆ یەکشەممە، بەرمیلێک نەوتی رۆژئاوای تێکساس بە ٧٤ دۆلار و ٨٣ سەنت مامەڵەی پێوە دەکرێت و بەراورد بە دوێنێ شەممە، نرخەکەی بە جێگیری ماوەتەوە.
بەرزبوونەوەی نرخی نەوت دوای ئەوە دێت، لە چەند رۆژی رابردوودا، رێکخراوی
ئۆپیک پڵەس بڕیاری دا، بەرهەمهێنانی نەوتی رۆژانە کەم بکەنەوە.
هاوکات، وەزارەتی نەوتی عێراق رایگەیاند، رێکخراوی ئۆپیک پڵەس، بە
ئامانجی جێگیرکردنی نرخی نەوت لە بازاڕەکانی جیهاندا، بڕیاری کەمکردنەوەی بەرهەمهێنانی
نەوتیان داوە و ئەوانیش وەک وەزارەتی نەوتی عێراق، پابەندن بە سەرجەم بڕیارەکانی رێکخراوەکەوە.
ئەوەش خرابووە روو، ئەو هەنگاوە بۆ پاراستنی بەرژەوەندیی سەرجەم ئەندامانی
رێکخراوەکە و جێگیرکردنی نرخی نەوتە لە بازاڕەکانی جیهاندا.
