PM:04:18:24/08/2024
1028 جار خوێندراوەتەوە
میدیا عەرەبییەکان بڵاویان کردەوە، لە چەند هێرشێکی ئاسمانی ئیسڕائیلدا بۆ سەر ناوەڕاست و باشووری کەرتی غەززە، ٣٧ کەس گیانیان لەدەستدا و دەیان کەسیش بریندار بوون.
ئەمڕۆ شەممە، میدیا عەرەبییەکان بڵاویان کردەوە، لەلایەن فڕۆکە جەنگییەکانی ئیسڕائیلەوە چەند هێرشێک بۆسەر ناوچەکانی ناوەڕاست و باشووری کەرتی غەززە ئەنجامدراوە.
ئاماژە بەوەش کراوە، لە ئەنجامی ئەو هێرشانەدا
٣٧ کەس گیانیان لەدەستدا و دەیان کەسیش بریندار بوون، هەروەها دەیان کەسی دیکەش لەژێر
دار و پەردووی باڵەخانە و خانووە رووخاوەکاندان و چارەنووسیان نادیارە.
هاوکات، بەپێی ئامارەکانی وەزارەتی تەندروستی
فەڵەستین، لەرۆژی ٧ـی تشرینی یەکەمی ساڵی رابردووە لە ئەنجامی شەڕی نێوان حەماس و
ئیسڕائیل ٤٠ هەزار و ٢٦٥ کەس لە غەززە گیانیان لەدەستداوە و ٩٣ هەزار و ١٤٤ کەسیش
بریندار بوون.
