وەزارەتی کۆچ و کۆچبەرانی عێراق بڵاوی کردەوە، ئەمڕۆ ٨٠٣ ئاوارە لە کەمپەکانی هەرشەم و بەحرکە لە سنووری هەولێر گەڕانەوە ناوچەکانی خۆیان لە نەینەوا. دەشڵێت، سەرجەم ئەو ئاوارانەی دەگەڕێنەوە ناوچەکانی خۆیان هاوکاری دارایی و مرۆییان پێ دەدرێت.
ئەمڕۆ چوارشەممە، وەزارەتی کۆچ و کۆچبەرانی عێراق بڵاوی کردەوە، بەردەوامن لە کارکردن بۆ تۆمارکردنی ناوی ئەو ئاوارانەی دەیانەوێت بگەڕێنەوە ناوچەکانی خۆیان.
ئاماژە بەوەش
کراوە، لە ئەمڕۆدا ٨٠٣ ئاوارە لە کەمپەکانی هەرشەم و بەحرکە لە سنووری هەولێر گەڕانەوە
ناوچەکانی خۆیان لە نەینەوا.
ئەوەش خراوەتە
روو، سەرجەم ئەو ئاوارانەی دەگەڕێنەوە ناوچەکانی خۆیان ناویان تۆمار دەکرێت بۆ وەرگرتنی
هاوکاری مرۆیی و دارایی.
ئەوە لەکاتێکدایە،
رۆژی ١١ـی مانگی رابردوو، وەزارەتی کۆچ و کۆچبەرانی عێراق رایگەیاند، سەرجەم ئاوارەکانی
نێو کەمپەکانی سنووری سلێمانی گەڕاونەتەوە ناوچەکانی خۆیان و دواهەمین کەمپ لە
ناوچەی عەربەت لە سنووری سلێمانی داخراوە و هیچ کەمپێک لەسنووری سلێمانی بوونی نەماوە،
بەڵام هێشتا چەند کەمپێکی سنووری دهۆک و هەولێر ئاوارەیان تێدا نیشتەجێیە و کار بۆ
گەڕانەوەی ئەو ئاوارانەش دەکرێت.