PM:08:39:18/08/2024
1036 جار خوێندراوەتەوە
لیژنەی باڵای زیارەتکارانی چلەی ئیمام حسێن رایگەیاند، بە مەبەستی بەشداریکردن لە مەراسیمی چلەی ئیمام حسێن، تاوەکو ئێستا زیاتر لە دوو ملیۆن و ٢٠٠ هەزار زیارەتکار هاتوونەتە ناو خاکی عێراق.
ئەمڕۆ یەکشەممە، میقداد میری وتەبێژی لیژنەی باڵای زیارەتکارانی چلەی ئیمام حسێن رایگەیاند، تاوەکو ئێستا هیچ کێشەیەکی ئەمنی لە هاتنی زیارەتکاران بۆ مەراسیمی چلەی ئیمام حسێن رووی نەداوە.
ئاماژەی بەوەش کردووە، لە رۆژی ١٠ـی ئەم مانگەوە، ٣٩ رووداوی هاتوچۆ تۆمار
کراون بەهۆی قەرەباڵغییەوە لە ئەنجامی هاتنی زیارەتکاران و لەو رووداوانەدا نۆ کەس
گیانیان لەدەستداوە و ٢٣ کەسیش بریندار بوون.
ئەوەشی خستە روو، بە مەبەستی بەشداریکردن لە مەراسیمی چلەی ئیمام حسێن، تاوەکو
ئێستا زیاتر لە دوو ملیۆن و ٢٠٠ هەزار زیارەتکار هاتوونەتە ناو خاکی عێراق.
