AM:10:51:16/08/2024
2156 جار خوێندراوەتەوە
بەهۆی پێکدادانی پاسێکی سەردانیکارانی چلەی ئیمام حوسێن لەگەڵ تانکەرێکی نەوت لە پارێزگای دیوانیە دوو کەس گیانیان لەدەستدا و ٦١ کەسی دیکەیش بریندار بوون.
ئەمڕۆ هەینی، پاسێک کە ٦٢ سەردانیکاری بە رەگەز ئێرانی تێدا بووە لە پارێزگای دیوانییە خۆی بە تانکەرێکی نەوتدا کێشاوە و بەهۆیەوە شۆفێری پاسەکە کە بە رەگەز عێراقییە و یەکێک لە سەردانیکاران کە بەڕەگەز ئێرانی بووە گیانیان لەدەستداوە.
لەبارەی بریندارەکانیشەوە، میدیا عێراقییەکان
بڵاویان کردووەتەوە، بریندارەکان گەیندراونەتە نەخۆشخانە و بەشێکیان برینەکانیان
سەختە و لە ئێستادا چارەسەریان بۆ دەکرێت.
ئەمەش لە دوای ئەوە دێت دوێنێش لە پاێزگای
دیالە بەهۆی رووداوێکی هاتوچۆوە حەوت سەردانیکاری ئێرانی بریندار بوون.
