PM:01:25:15/08/2024
996 جار خوێندراوەتەوە
بەپێى دوایین راپرسى بۆ هەڵبژاردنى سەرۆکایەتى ئەمریکا، کامالا هاریس کاندیدى دیموکراتەکان لە حەوت ویلایەتە یەکلاکەرەوەکە پێش دۆناڵد ترەمپ کەوتووە و زۆرینەى دەنگەکانى بەدەستهێناوە.
ناوەندى کوک پۆڵەتیک ریپۆرت بۆ راپرسى بڵاویکردەوە، لە نوێترین راپرسیدا کە بۆ هەڵبژاردنى سەرۆکایەتى ئەمریکا کە لە حەوت ویلایەتە یەکلاکەرەوەکە ئەنجامیداوە، دەرکەوتووە کامالا هاریس پێش دۆناڵد ترەمپ کەوتووە.
لە راپرسى پێشوودا کە لە مانگى ئایارى رابردوو ئەو کاتەى جۆ بایدن کاندید بوو ئەنجامدرا، دۆناڵد ترەمپ زۆرینەى بەدەستهێنابوو.
بەپێى ئەنجامەکانى ئەو راپرسییە، هاریس لە هەر پێنج
ویلایەتى ئەریزۆنا و میشیگن و کارۆلایناى باکور و پەنسلڤانیا و وێسکنسن پێش ترەمپ
کەوتووە، لە ویلایەتى جۆرجیا یەکسان بوون، بەڵام لە نیڤادا ترەمپ پێش کامالا
کەوتووە.
ئەم بەرەو پێشچوون و زیادکردنەى دەنگى دیموکراتەکان لە
ویلایەتە یەکلاکەرەوەکان لە کاتێکدایە، کە بڕیارە ١٩ ى ئەم مانگە، دیموکراتەکان
کۆنگرەى گشتى بۆ ماوەى سێ رۆژ ئەنجام بدەن و کامالا هاریس بە فەرمى وەکو کاندیدى
حزبەکە بۆ هەڵبژاردنى سەرۆکایەتى رابگەیەنن کە بڕیارە لە ٥ ى ١١ ى داهاتوو
ئەنجام بدرێت.
