AM:10:17:11/08/2024
960 جار خوێندراوەتەوە
رێکخراوی یونیسێفى سەر بە نەتەوەیەکگرتووەکان رایگەیاند، لە ١٠ مانگی رابردوودا زیاتر لە ٥٠٪ی ئەو خوێندگانەی کە وەک پەناگە بەکاردەهێنران لە غەززە راستەوخۆ بۆردوومان کراون.
رێکخراوی یونیسێف ئاماژەی بەوەشکردووە، بەپێی یاساکان پێویستە خوێندنگاکان هەمیشە پارێزراوبن، بەڵام ئیسرائیل چەندین جار خوێندنگاکانی لە غەززە بۆردوومان کردووە و بەو هۆیەشەوە چەندین کەس و منداڵ کوژراون.
جەختی لە گرنگی
و پێویستی راگرتنی شەڕ کردەوە و ئەوەی خستەڕوو، پێویستە شەڕی ئیسرائیل و حەماس
رابگیرێت و توندوتیژی دژی منداڵان و خەڵکی غەززە کۆتایی پێبێت.
ئەوەش دوای ئەوە
دێت، بەرەبەیانی ١٠ی ئەم مانگە سوپای ئیسرائیل خوێندنگایەکی لە رۆژهەڵاتی غەززە بەبیانووی
بوونی چەکدارانی حەماس بۆردوومان کرد و بەهۆیەوە زیاتر لە ١٠٠ کەس کوژران.
