AM:11:23:05/08/2024
1376 جار خوێندراوەتەوە
ئەندامێکی لیژنەی نەوت و غاز لە پەرلەمانی عێراق رایگەیاند، رەشنووسی یاسای نەوت و غاز گەڕێنراوەتەوە بۆ حکومەت، بۆئەوەی هەمواری یاساکە و رێککەوتنی سیاسی لەسەر بکرێت و دواتر بگەڕێنرێتەوە بۆ پەرلەمان بۆ پەسەندکردنی.
زورغام مالیکی ئەندامی لیژنەی نەوت و غاز لە پەرلەمانی عێراق ئاماژەی بەوەشکرد، لە ئێستادا پڕۆژەیاسای نەوت و غاز گەڕێنراوەتەوە بۆ حکومەت بۆ ئەوەی بە وردی لێکۆڵینەوە لە یاساکە بکرێت بۆ گەیشتن بە رێککەوتنی سیاسی لەسەر ئەو بابەتە.
باسی لەوەشکرد،
پێویستە حکومەت هەمواری یاسای نەوت و غاز بکاتەوە بۆئەوەی لەگەڵ پێشکەوتنی نەوت و
گازی جیهانی هاوسەنگ بێت و دواتر رەوانەی پەرلەمانی بکاتەوە بۆ پەسەندکردنی.
ئەوەشی خستەڕوو،
تا ئێستاش ناکۆکی سیاسی لەسەر پڕۆژەیاساکە هەیە لە عێراق و بۆیە نەتوانراوە دەنگی
لەسەر بدرێت.
