PM:07:38:12/06/2024
1176 جار خوێندراوەتەوە
دوای تێپەڕینی ٢٥٠ رۆژ بەسەر هەڵگیرسانی شەڕی نێوان حەماس و ئیسرائیل، وەزارەتی تەندروستی فەڵەستین رایگەیاند، لەماوەی ٢٤ کاتژمێردا ٣٨ کەس لە کەرتی غەززە گیانیان لەدەستداوە و لەسەرەتای شەڕەکەشەوە ٣٧ هەزار و ٢٠٢ کەس گیانیان لەدەستداوە.
ئەمڕۆ چوارشەممە، وەزارەتی تەندروستی فەڵەستین رایگەیاند، بەپێی ئاماری رۆژانەیان لەماوەی ٢٤ کاتژمێری رابردوودا لەئەنجامی هێرش و بۆردومانی ئیسرائیل ٣٨ کەس لە کەرتی غەززە گیانیان لەدەستداوە و ١٠٠ کەسیش بریندار بوون.
ئاماژەی بەوەش کرد، لەسەرەتای شەڕەکەوە،
لە رۆژی ٧ـی تشرینی یەکەمی ساڵی رابردووە، تاوەکو ئێستا ٣٧ هەزار و ٢٠٢ کەس لە کەرتی
غەززە گیانیان لەدەستداوە و ٨٤ هەزار و ٩٣٢ کەسیش بریندار بوون.
ئەوەش لەکاتێکدایە، رۆژی دووشەممەی
ئەم هەفتەیە ئەنجومەنی ئاسایشی نێودەوڵەتی رەشنووسە یاسایەکی پەسەندکرد کە بۆ پێکهێنانی
ئاگربەست لە کەرتی غەززە بە سێ قۆناغ و گواستنەوەی بۆ ئاگربەستی هەمیشەیی.
جەنگی نێوان حەماس و ئیسرائیل لە رۆژی
٧ـی تشرینی یەکەمی ساڵی رابردووەوە سەری هەڵداوە و ماوەی زیاتر لە هەشت مانگە جەنگەکە
بەردەوامە. هاوکات بەهۆی جەنگەکەوە تا ئێستا بە هەزاران کەس لە هەردوولا گیانیان لەدەستداوە
و بە هەزارانیش بریندار بوون.
