ئەوەش لەکاتێکدایە، دوێنێ یەکشەممە، میدیاکانی ئێران بڵاویان کردەوە، هەریەکە لە ئیبراهیم رەئیسی سەرۆک کۆماری ئێران و حوسێن ئەمیرعەبدولهەیان وەزیری دەرەوەی ئێران لەگەڵ محەمەد عەلی ئالهاشم نوێنەری رێبەری ئێران لە پارێزگای ئازەربایجانی رۆژهەڵات و مالیک رەحمەتی پارێزگاری ئازەربایجانی رۆژهەڵات بەشدارییان کرد لە کرنەوەی بەنداوێک لە پارێزگای ئازەربایجانی رۆژهەڵات لە سنووری نێوان ئێران و ئازەربایجان.

ئاماژە بەوەش کرا، لەدوای کردنەوەی بەنداوەکە و گەڕانەوەی بەرپرسانی ئێران بە سێ هێلیکۆپتەر، لەرێگای گەڕانەوەدا یەکێک لەو هێلیکۆپتەرانەی کە ئیبراهیم رەئیسی و حوسێن ئەمیرعەبدولهەیان و شاندی یاوەریان لەگەڵ بوو بەهۆی نالەباری دۆخی کەشوهەواوە دیار نەما و پەیوەندی لەگەڵیاندا پچڕا.

باس لەوەش کرا، بەهۆی هەستیاری دۆخی کەشوهەوا لەو ناوچەیەی رووداوەکەی تێدا روویدا و لەپێناو خێراکردنی ئۆپەراسیۆنی گەڕان بەدوای هێلیکۆپتەرەکەدا، تیمەکانی فریاگوزارییان بۆ ٦٥ تیم زیاد کرا.

ئیبراهیم رەئیس ساداتی ناسراو بە ئیبراهیم رەئیسی لە ١٤ـی كانونی یەكەمی ساڵی ١٩٦٠ لە شاری مەشهەد لەدایكبووە و یەكێكە لە سەركردە سیاسییەكانی ئێران و هەشتەمین سەرۆک كۆماری ئێرانە كە لە ساڵی ٢٠٢١ ـەوە بە هەڵبژاردن ئەو پۆستەی وەرگرتووە .