ئاماژەی بەوەش کرد، لەسەرەتای دەستپێکی جەنگی نێوان حەماس و ئیسڕائیلدا لە رۆژی ٧ـی تشرینی یەکەمی ساڵی رابردووەوە تاوەکو ئێستا ٣٥ هەزار و ٣٤ کەس لە کەرتی غەززە گیانیان لەدەستداوە و ٧٨ هەزار و ٧٥٥ کەسیش بریندار بوون.

لای خۆشیەوە، میدیاکانی فەڵەستین باس لەوە دەکەن، سوپای ئیسڕائیل دەستی بە هێرشێکی توند کردووە لە باکووری ناوچەی شەیمائی کە دەکەوێتە باکووری غەززە.

پێشتر، کۆمەڵەی گشتی نەتەوە یەکگرتووەکان بە زۆرینەی دەنگ داواکارییەکی فەڵەستینی پەسەندکرد بۆ بە ئەندامبوونی هەمیشەیی لە نەتەوە یەکگرتووەکان و ئیسڕائیلیش دەنگدانەکەی بە پێشێلکردنی بنەماکانی ئەو رێکخراوە ناوبرد.

بەڵام لەبەرامبەردا، ئیسرائیل رەخنەی توندی لە بڕیارەکە گرت، هەروەها نوێنەرەکەی لە نەتەوە یەکگرتووەکان چەند لاپەڕەیەکی جاڕنامەی نەتەوەیەکگرتووەکانی دڕاند و جەختیکردەوە، دەنگدانەکە بنەماکانی پەیماننامەی ئەو رێکخراوەی پێشێلکردووە.

جەنگی نێوان حەماس و ئیسڕائیل لە رۆژی ٧ـی تشرینی یەکەمی ساڵی رابردووەوە سەری هەڵداوە و ماوەی هەشت مانگە جەنگەکە بەردەوامە و هەزاران کەس لە هەردوو لا گیانیان لەدەستداوە و بە هەزارانیش بریندار بوون.