PM:07:24:12/02/2024
1060 جار خوێندراوەتەوە
میدیا عێراقییەکان بڵاویان کردەوە، بەهۆی کەوتنە خوارەوەی یەکێک لە یارییەکانی منداڵان لە پارێزگای واست ١٨ منداڵ بریندار بوون و سێ لەو منداڵانە دۆخی تەندروستییان ناجێگیرە.
ئەمڕۆ دووشەممە، میدیا عێراقییەکان بڵاویان کردەوە، لە یەکێک لە شاری یارییەکان لە پارێزگای واست یارییەکی جۆری جۆلانێی سوڕاوە لە کاتی سوڕانەوەیدا و چەند منداڵێک بەسەر جۆلانەوەکانەوە بوون کەوتووەتە خوارەوە.
ئاماژە بەوەش کراوە، بەهۆی کەوتنە
خوارەوەی ئەو یارییەوە ١٨ منداڵ بریندار بوون کە برینی سیانیان سەختە و دۆخی تەندروستییان
ناجێگیرە.
ئەوەش خراوەتە روو، سەرجەم بریندارەکان
گواستراونەتەوە بۆ نەخۆشخانە بۆ وەرگرتنی چارەسەری پێویست و چەند بریندارێکیان
گواستراونەتەوە بۆ بەشی چاودێری چڕ.
