PM:07:36:11/10/2022
14100 جار خوێندراوەتەوە
ئەنجومەنی وەزیرانی عێراق لە کۆبوونەوەی ئەمڕۆیدا، چەند بڕیارێکی دەرکرد و لەوانەش دیاریکردنی نرخی دانەوێڵە و گەنمەشامیە لەسەر داوای وەزارەتی کشتوکاڵی عێراق.
ئەمڕۆ سێشەممە، ئەنجومەنی وەزیرانی عێراق راگەیەندراوێکی بڵاوکردەوە و تیایدا هاتووە، لە کۆبوونەوەی ئەمڕۆدا چەند بڕیارێک لەلایەن ئەنجومەنەکەوە دەرچووە کە یەکەمیان سەبارەت بە پەسەندکردنی داوایەکەی وەزارەتی کشتوکاڵ بووە.
بە گوێرەی نوسراوەکە، نرخی فرۆشتنی هەر تۆنێک تۆوی شانداری (گەنمەشامی) بە
٥٠٠ هەزار دینار بۆ ئەمساڵ و نرخی کڕینی هەر تۆنێک دانەوێڵە بە ٤٠٠ هەزار دینار دەبێت
بۆ ئەمساڵ.
حکومەت رەزامەندیشی نیشانداوە بۆ پاڵپشتیکردنی نرخی شانداری (گەنمەشامی)
بە رێژەی ٥٠٪ بۆ ئەمساڵ و تەرخانکردنی پارە بۆی لە یاسای ئاسایشی خۆراکدا.
