تەندروستی سلێمانی دەڵێت، ساڵی رابردوو نۆ هەزار و ٨٤٨ لە نەخۆشخانەی منداڵبوون لەدایکبوون.
ئەمڕۆ پێنجشەممە ١ـی کانونی دووەمی ٢٠٢٦، بەرێوبەرایەتی گشتی تەندروستی سلێمانی وتی، نۆ هەزار و ٨٤٨ منداڵ لە نەخۆشخانەی منداڵبوونی فریاكەوتنی فێركاری لەدایكبوون و لەو ژمارەیە پێنج هەزار و ٩٦ منداڵ كوڕ بوون و چوار هەزار و ٧٥٢ منداڵیان كچ بووە.
وتیشی، پێنج هەزار و ٥٢٨ منداڵ بە
سرووشتی لەدایکبوون و چوار هەزار و ٣٢٠ منداڵیش لە رێگەی نەشتەرگەری لەدایکبوون.
ئاماژەی بەوەشکرد، ساڵی رابردوو لە
نەخۆشخانەی منداڵبوونی فریاكەوتنی فێركاری ٤٢ هەزار و ٧٢٣ نەخۆش سەردانیان كردووە ، لەو ژمارەیە ١٣ هەزار
و ١٠١ نەخۆش داخڵ كراون و چارەسەری پێویستیان بۆ كراوە.
هاوكات ساڵی رابردوو
لە نەخۆشخانەی منداڵبوونی فریاكەوتنی فێركاری ١٧٩ حاڵەتی لەدایكبوونی دووانە و ٩
حاڵەتی لەدایكبوونی سیانە تۆماركراون.