نێردەی تایبەتی ئەمریکا لە سوریا دەڵێت، "داوا لە حکومەتی سوریا و هێزەکانی سوریای دیموکرات دەکەین شەڕو پێکدادانەکان رابگرن".
ئەمڕۆ پێنجشەممە ٨ـی کانونی دووەمـی ٢٠٢٦، تۆم باراك، نێردەی تایبەتی ئەمریکا بۆ سوریا رایگەیاند، واشنتن بە نیگەرانییەکی زۆرەوە بەدواداچوون بۆ پێشهاتەکانی گەڕەکی ئەشرەفیە و شێخ مەقسودی شاری حەلەب دەکات.
ئاماژەی
بەوەشکردووە، داوا لە هەموو لایەنەکان دەکەین دان بەخۆیاندا بگرن و پاراستنی گیانی
مەدەنی و موڵک و ماڵی هاوڵاتیان لە حەلەب لە سەرووی هەموو شتێک و لە پێشینەی
کارەکانیان دابنێن.
دەشڵێت، ئامادەن
بۆ ئاسانکاری بۆ هەوڵەکانی کەمکردنەوەی پەرەسەندن و دەرفەت بە سوریا و گەلەکەی بدەن
کە لەبری دابەشبوون رێگای گفتوگۆ هەڵبژێرن.
ناوبراو باسی
لەوەشکرد، داوا لە حکومەتی سوریا و هێزەکانی سوریای دیموکرات و هەموو گروپە
چەکدارەکان دەکەن شەڕو پێکدادانەکان رابگرن.
وەرزی نوێ لە
سوریا لاپەڕەی وەرزی هاوكارییە نەک روبەڕوبوونەوە و پێکەوە دەگەینە ئەو بابەتە.