PM:04:27:19/11/2025
9964 جار خوێندراوەتەوە
حکومەتی ماوەبەسەرچوو لەڕێگەی بەڕێوبەرایەتی گشتی خانەنشینییەوە دەستیکرد بە بڕینی موچەی خانەنشینان و دەڵێت، ئەو خانەنشین و وارسانەی تا ئێستا فۆڕمی (هەژماری من)یان پڕنەکردووەتەوە، مووچەی مانگی نۆ و مانگەکانی دیکەشی رادەگیرێت.
ئەمڕۆ چوارشەممە ١٩ـی تشرینی دووەمـی ٢٠٢٥، بەڕێوەبەرایەتی گشتی خانەنشینی سەر بە وەزارەتی دارایی حکومەتی ماوەبەسەرچوو ئاگادارییەکی بۆ سەرجەم خانەنشینان و وارسان بڵاوکردەوە و دەڵێت، ئەو خانەنشینانەشی کە کارتی بانکەکانیان تەواو بووە و وەریاننەگرتووەتەوە، پێویستە سەردانی بانکەکان بکەن، چونکە مووچەی مانگی ١٠، لە رێگەی پڕۆژەی “هەژماری من”ەوە خەرج دەکرێت.
ئاماژە
بەوەشکراوە، بەپێی ئاگادارییەکە، ئەو خانەنشین و وارسانەی تا ئێستا فۆڕمی "هەژماری
من”یان پڕنەکردووەتەوە، مووچەی مانگی ئەیلولیان رادەگیرێت تا ئەو کاتەی فۆڕمەکە
پڕدەکەنەوە.
بەڕێوەبەرایەتییەکە
ئاماژەی بەوەشکردووە، نزیکەی ٩٠٪ـی فەرمانبەران و خانەنشینان خۆیان لە پڕۆژەکە
تۆمار کردووە، ئەوانەش کە ماون و خۆیان تۆمار نەکردووە، تا کۆتایی ئەمساڵ ئەگەر
هەژماری بانکییان نەبێت، مووچەکانیان لە بەغداوە رادەگیرێت و لە هەرێم خەرج ناکرێت.
جەختیشکراوەتەوە
کە لە دوای سەری ساڵیشەوە دابەشکردنی مووچە بە شێوەی کاش نامێنێت و
بەرپرسیارێتییەکەی لە ئەستۆی خۆیان دەبێت.
