PM:03:17:16/12/2024
1128 جار خوێندراوەتەوە
بازنەی بایکۆت لە هەرێمی کوردستان بەرەوامە لە فراوانبوون و لە ئێستادا بەشێکی زۆری نەخۆشخانە و فەرمانگە و خوێندنگاکانی سنوری سلێمانی بایکۆتی دەوامیان کردووە.
ئەمڕۆ دووشەممە ١٦ـی ١٢ـی ٢٠٢٤، بەهۆی پێنەدانی مووچەکانیان نزیکەی دوو هەفتەیە بەشێکی زۆری مامۆستایان و فەرمانبەران و پزیشکانی سنوری سلێمانی بایکۆتی دەوامیان کردووە و بەردەوام لە فراوانبوونیشدایە.
هاوکات، لە ئێستادا بەشێکی
زۆری نەخۆشخانە و فەرمانگە خزمەتگوزارییەکان و قوتابخانەکان لە ئیدارەی سەربەخۆی گەرمیان
و پارێزگای هەڵەبجە و پارێزگای سلێمانی و قەزای کۆیە و چەندین شار و شارۆچکەی دیکە
لە هەرێمی کوردستان بایکۆتی دەوامیان کردووە.
ئەوەش لەکاتێکدایە، بایکۆتی دەوامیش
لەلایەن فەرمانبەران و مامۆستایان و پزیشکانەوە دەگەڕێتەوە بۆ پێنەدانی مووچەکانیان
لەلایەن حکومەتی کاربەڕێکەر و خراپی دۆخی داراییان.
