PM:03:23:08/12/2024
2172 جار خوێندراوەتەوە
وتەبێژی فەرماندەی گشتی هێزە چەکدارەکانی عێراق رایگەیاند، سنوورەکانی نێوان عێراق و سوریا بەتەواوی لە ژێر کۆنترۆڵدایە و پاسەوانی سنووری عێراقیش بڵاویکردەوە، دۆخی سنوورەکان ئارامە.
ئەمڕۆ یەکشەممە ٨ـی ١٢ـی ٢٠٢٤، یەحیا رەسوڵ، وتەبێژی فەرماندەیی گشتی هێزە چەکدارەکانی عێراق ئاماژەی بەوەش کرد، سنوورەکانی عێراق زیاد لە پێویست توند کراوە و لەژێر چاودێری هێزەکان و کامێرای چاودێری و پاسەوانانی سنوردایە.
ئەوەشی خستەڕوو، سەرباز و هێزی پێویستیان لە درێژای سنوورەکان بڵاوە پێکردووە
بۆ ریگریکردن لە روودانی هەر ئەگەرێک.
هاوکات، پاسەوانی سنوری عێراق باسی لەوەش کرد، دۆخی سنوری عێراق لەگەڵ
سوریا ئارامە و لەژێڕ کۆنتڕۆڵدایە، هەروەها دەروازەی قائیم بەتەواوی داخراوە.
