PM:02:50:01/12/2024
3012 جار خوێندراوەتەوە
لیژنەی دیاریکردنی مۆلیدە ئەهلییەکان بە پێی نرخی سوتەمەنی لە بازاڕەکاندا نرخی ئەمپیری مۆلیدەیان لە شارەکانی هەرێم دیاری کرد.
ئەمڕۆ یەکشەممە ١ـی ١٢ـی ٢٠٢٤، نرخی کارەبای موەلیدە ئەهلییەکان لە هەرێم دیاریکرا، لە سلێمانی ئەمپێرێک لەنێوان ٩ بۆ ١٠ هەزار دیناردایە، لە دهۆک لە نێوان ١٢ بۆ ١٣ هەزار و لە هەولێریش لەنێوان ٦ هەزار تا ١٧ هەزار و ٢٥٠ دیناردایە.
هاوکات، بڕیارە گۆڕانکاری لە کاتی پێدانی کارەبای موەلیدەکاندا
بکرێت، بەجۆرێک، لە کاتژمێر ١:٠٠ـی دوانیوەڕۆوە تا کاتژمێر ١:٠٠ـی شەو، موەلیدە ئەهلییەکان
کارەبا دەدەنە هاوڵاتیان.
ئەوەش لەکاتێکدایە لە هەرێمی کوردستان رۆژانە پێنج تا شەش کاتژمێر کارەبای
نیشتیمانی دەدرێت بە هاوڵاتیان و کاتژمیرەکانی دیکە بە مۆلیدە ئەهلییەکان پڕدەکرێتەوە،
لەکاتێکدا حکومەتی کاربەڕێکەر پێش هەڵبژاردن، بانگەشەی دابینکردنی کارەبای ٢٤
کاتژمێری دەکرد.
