ئاماژەی بەوەشکرد، کە پێدەچێت شاندەکە زانیاری هەواڵگری سەبارەت بە جێگیرکردنی هێزەکانی کۆریای باکوور لە رووسیا پێشکەش بکات، هەروەها داوای پشتیوانی لە سیئۆل بکات بۆ رووبەڕووبوونەوەی ئۆپەراسیۆنی سەربازیی رووسیا لە ئۆکرانیا کە لە ساڵی ٢٠٢٢ دەستی پێکردووە.

باسی لەوەشکرد، کۆریای باکوور کارگەیەکی فراوانتر دەکات بۆ بەرهەمهێنانی مووشەک کە رووسیا بەکاری دەهێنێت.

سیئۆل ئاماژەی بە ئەگەری هەموارکردنەوەی سیاسەتی خۆی لە پێنەدانی چەک بۆ هیچ لایەنێکی تێوەگلاو لە ململانێیەکدا کرد.

سەرۆکی کۆریای باشوور لە سەرەتای مانگی تشرینی دووەمی رابردوو رایگەیاند، وڵاتەکەی کە بە یەکێک لە گەورەترین هەناردەکارانی چەک دادەنرێت لە جیهاندا، ناردنی چەک رەت ناکاتەوە ئەگەری هەیە راستەوخۆ چەک بنێریت بۆ ئۆکرانیا.

وتیشی: ئێستا بەپێی ئاستی بەشداریکردنی کۆریای باکوور، وردە وردە ستراتیژی پشتیوانییەکانمان بە قۆناغ رێکدەخەین.

روونیشیکردەوە، کە ئەمە بەو مانایەیە کە ئەگەری ناردنی چەک بۆ ئۆکرانیا رەت ناکەینەوە.

هاوکات، دوای ناردنی هەزاران سەربازی کۆریای باکوور بۆ پاڵپشتیکردنی هەوڵەکانی جەنگی رووسیا دژی ئۆکرانیا، ئۆکرانیا ناوەستێت و داوای هاوکاری لە کۆریای باشوور دەکات کە دوژمنی هاوسنوری کۆریای باکوورە.