PM:10:45:15/11/2024
1248 جار خوێندراوەتەوە
پەرلەمانی عێراق بڵاوی کردەوە، سەرۆکایەتی پەرلەمان پاڵپشتی خۆی بۆ ئەنجامدانی سەرژمێری گشتی دانیشتوانی ساڵی ٢٠٢٤ دووپات دەکاتەوە. هاوکات هەریەکە لە سەرۆک وەزیرانی عێراق و سەرۆکی رەوتی حیکمە لە کۆبوونەوەیەکدا باسیان لەوە کرد، ئەنجامدانی سەرژمێری کاریگەری لەسەر پلانی گەشەپێدانی درێژخایەن دەبێت.
پەرلەمانی عێراق لە راگەیەنراوێکدا ئاماژەی بەوەش کردووە، داوا لە ئەندامانی پەرلەمان دەکەن خەڵک و دانیشتوانی ناوچەکانی خۆیان هان بدەن هاوکاری تیمەکانی وەزارەتی پلاندانان بکەن بۆ سەرخستنی پرۆسەی سەرژمێری.
باسی لەوەش کردووە، بەهۆی ئەنجامدانی
سەرژمێرییەوە دانیشتنەکانی پەرلەمان راگیراون و بڕیاریانداوە هەفتەی داهاتوو دوای
تەواوبوونی پرۆسەی سەرژمێری دانیشتنەکان دەست پێبکەنەوە.
هاوکات، هەریەکە لە سودانی و عەمار حەکیم لە کۆبوونەوەیەکدا
باسیان لەوە کرد، پرۆسەی سەرژمێریی گشتیی دانیشتوان شایستەیەکی نیشتیمانییە و
کاریگەری لەسەر پلانی گەشەپێدان دەبێت.
ئەوەش لەکاتێکدایە، بڕیارە لە رۆژانی ٢٠ و ٢١ـی ئەم مانگە لە سەرتاسەری
عێراق پڕۆسەی سەرژمێریی گشتیی دانیشتوان بەڕێوە بچێت.
