AM:10:12:12/11/2024
1752 جار خوێندراوەتەوە
میدیا ئێرانییەکان بڵاویان کردەوە، ئێران و عێراق رێکەوتنێکی نوێیان ئەنجامداوە لە بواری ئابوری و ئاسایشی نێوانیان بۆ چاودێریکردنی دۆخی ناوچەکە و سنووری نێوان هەردوو وڵات.
ئەمڕۆ سێ شەممە، ئاژانسی هەواڵى فارس ئاماژەی بەوەکرد، لە سەردانەکەی قاسم ئەعرەجی راوێژکاری ئاسایشی نیشتیمانی عێراق بۆ تاران و کۆبونەوەی لەگەڵ بەشێک لە بەرپرسە ئەمنی و سەربازییەکانی ئێران رێکەوتنێکی نوێ هاتوەتە ئاراوە لەنێوان هەردوو وڵات.
باسی لەوەشکرد، رێکەوتنەکە
چاودێری دۆخی ناوچەکە و سنووری نێوان هەردوو وڵات دەکات لەگەڵ دۆخی ئابووری و
ئەمنی نێوان هەردوو وڵاتیش دەگرێتەوە.
ئەوەشی خستوەتەڕوو، هەر
لە سەردانەکەدا ئەعرەجی لەگەڵ بەرپرسانی ئێران باسیان لە رێکەوتنە ئەمنیەکەی ساڵی
رابردووی نێوانیان کردووە کە بۆ رێگریکردن لە قاچاخ و بارزگانی مادەی هۆشبەر و
کۆنترۆڵکردنی سنوورەکان کراوە.
