AM:08:27:09/11/2024
1276 جار خوێندراوەتەوە
سەرۆک وەزیرانی عێراق و دۆناڵد ترەمپی کاندیدی سەرکەوتووی پۆستی سەرۆکایەتیی ئەمریکا پەیوەندییەکی تەلەفۆنیان ئەنجام دا و تێیدا هەردوولا جەختیان لە زیاتر پتەوکردنی پەیوەندییە دووقۆڵییەکان و زیادکردنی هاوکارییەکانی نێوان عێراق و ئەمریکا کردەوە.
لە پەیوەندییە تەلەفۆنییەکەدا، محەمەد شیاع سودانی سەرۆک وەزیرانی عێراق پیرۆزبایی خۆی ئاڕاستەی ترەمپ و گەلی ئەمریکا بە گشتی کرد بۆ سەرکەوتنی پڕۆسەی هەڵبژاردن.
هاوکات، هەردوو لا جەختیان کردەوە لە زیاتر پتەوکردنی
پەیوەندییە دووقۆڵییەکانی نێوان عێراق و ئەمریکا بەتایبەت لە بواری ئەمنی، بەردەوامی
هاوکارییەکانی نێوانیشیان لە بوارەکانی ئابووری، دارایی، وزە و تەکنەلۆجیا.
هەو لەو پەیوەندییەدا، سودانی و ترەمپ
رێککەوتن لەسەر ئەوەی پێکەوە هەماهەنگی بکەن بۆ کۆتایی هێنان بە شەڕ و
ئاڵۆزییەکانی ناوچەکە.
لای خۆشییەوە، ترەمپ خواستی خۆی بۆ کۆبوونەوە
لەگەڵ سەرۆک وەزیرانی عێراق لە داهاتوویەکی نزیکدا دەربڕی بە مەبەستی گفتوگۆکردن
لەبارەی فراوانکردنی پەیوەندییەکانی نێوان عێراق و ئەمریکا و کارکردن لەسەریان.
