PM:01:52:05/11/2024
2188 جار خوێندراوەتەوە
وەزارەتی گواستنەوەی عێراق رایگەیاند، لە ساڵی داهاتوودا هێڵی ئاسمانیی نوێ لەگەڵ ریاز و شارجە و دەککا و ئەندەنوسیا دەکەنەوە.
ئەمڕۆ سێشەممە، مەیسەم سافی وتەبێژی وەزارەتی گواستنەوەی عێراق رایگەیاند، هێڵی ئاسمانیی عێراقی بە گشتی خاوەنی ٣٩ فڕۆکەیە، لە ئێستادا تەنها ٢٧ فڕۆکەیان کار دەکەن و ئەوانی دیکە بە هۆی بوونی کێشەی تەکنیکی کاریان پێ ناکرێت.
ئاماژەی بەوەش کرد، تا کۆتایی ئەمساڵ کێشەی تەکنیکی
سێ لە فڕۆکەکان چارەسەر دەکرێت و دەخرێنە خزمەتەوە، ئەوانی دیکە لە ساڵی داهاتوودا
کاریان لەسەر دەکرێت.
باسی
لەوەش کرد، لە پلانیاندایە لە ساڵی داهاتوودا لەگەڵ چوار ناوچەی نێودەوڵەتی کە بریتین
لە ( ریاز، شارجە، دەککا و ئەندەنوسیا) هێڵی ئاسمانیی نوێ بکەنەوە. وتیشی، ئامانج
لەم هەنگاوە بەرزکردنەوەی پەیوەندییە ئابووریی و گەشتیاریی و دووقۆڵییەکان، هەروەها
راکێشانی گەشتیارانە لەگەڵ ئەو ناوچانە.
