PM:05:35:30/10/2024
1220 جار خوێندراوەتەوە
سبەینێ کۆبوونەوەى چوار قۆڵى تایبەت بە رێگاى گەشەپێدان لە بەغدا بەڕێوەدەچێت و تێیدا عێراق راپۆرتێک سەبارەت بە دوایین بەرەوپێشچوونەکانى پڕۆژەکە پێشکەش بە قەتەر و ئیمارات و تورکیا دەکات.
میدیاکانى عێراق بڵاویان کردەوە، سبەی پێنجشەممە کۆبوونەوەى چوار قۆڵی وەزیرانی گواستنەوەی عێراق، قەتەر، ئیمارات و تورکیا لەبارەى رێگەی گەشەپێدان لە بەغدا بەڕێوەدەچێت و تیایدا وەزیرى گواستنەوەى عێراق دوایین زانیارییەکان لەبارەى بەرەوپێشچوونەکانى کارەکانى پڕۆژەکە دەخاتەڕوو.
پڕۆژەى بنیادنانى رێگاى گەشەپێدان کە ئامانج
لێى بەستنەوەى ناوچەى کەنداوە بە تورکیا و ئەوروپا، لە ئێستادا گەیشتووەتە کۆتایی
قۆناغى دیزاین و بە ١١ پارێزگاى عێراقدا تێدەپەڕێت کە لە بەندەری فاو دەستپێدەکات
و درێژدەبێتەوە بۆ باکوورى کوردستان و تورکیا.
رێگەى گەشەپێدان درێژییەکەى هەزار و ٢٠٠ کیلۆمەترە
و تێچووی ١٧ ملیار دۆلارە، ١٠ ملیار دۆلار دەدرێت بە شەمەندەفەری کارەبایی و نزیکەى
حەوت ملیار دۆلاریشى تێچووی دروستکردنی هێڵە ئاسنینەکە دەبێت، بڕیاریشە تاوەکو ساڵى
٢٠٢٨ قۆناغی یەکەمی پڕۆژەکە تەواو ببێت.
