PM:07:56:22/09/2024
1428 جار خوێندراوەتەوە
راوێژکاری دارایی سەرۆک وەزیرانی عێراق رایگەیاند، مووچەی مووچەخۆران لە عێراق زامنکراوە و کێشەکانی تایبەت بە نرخی نەوتیش کاریگەریان لەسەر مووچە نابێت و کاتین و چارەسەر دەبن.
ئەمڕۆ یەکشەممە، مەزهەر محەمەد ساڵح راوێژکاری دارایی محەمەد شیاع سودانی سەرۆک وەزیرانی عێراق بە میدیا عێراقییەکانی راگەیاند، هیچ کێشەیەک مووچەدا نییە و لە عێراق دابینکردنی مووچە و چاودێری کۆمەڵایەتی و سەبەتەی خۆراک و دەرمان کاری لەپێشێنەی حکومەتە.
ئەوەشی خستە روو، حکومەت بەرپرسە لە دابەشکردنی مووچەی خانەنشینان و
چاودێری کۆمەڵایەتی و سەرجەم مووچەخۆران و پابەندە بەو بەرپرسیارێتییەوە و لە کاتی
خۆیدا مووچە دابەش دەکرێت.
پێشتریش، مەزهەر محەمەد ساڵح راوێژکاری دارایی محەمەد شیاع سودانی
سەرۆک وەزیرانی عێراق بە ئاژانسی رۆیتەرزی راگەیاند، لە ساڵی ٢٠٢٤ـدا هیچ کێشەیەک
بۆ مووچە دروست نابێت و ئامادەکارییان کردووە بۆ زامنکردنی مووچەی ساڵی ٢٠٢٥ و
پێیویستی بە چەند رێکارێکی دارایی هەیە.
ئەوەش لە کاتێکدایە، لە یەکی مانگ و لە سەرەتای مانگی نۆدا عێراق
دەستی بە دابەشکردنی مووچەی مووچەخۆران کردووە بەڵام هێشتا مووچەخۆرانی هەرێم
مووچەی مانگی هەشتیان وەرنەگرتووە.
