PM:05:22:18/09/2024
1280 جار خوێندراوەتەوە
باڵیۆزی ئەمریکا لە عێراق رایگەیاند، عێراق دەتوانێت ببێتە خاوەن مۆدێلێکی ئابووری کە بە وڵاتانی دیکە بە نمونە وەری بگرن. دەشڵێت"دوو ملیۆن دۆلارمان بۆ رووبەڕووبوونەوەی گۆڕانی کەش و هەوا لە عێراق تەرخان کردووە".
ئەمڕۆ چوارشەممە، ئەلینا رۆمانەوسکی باڵیۆزی ئەمریکا لە عێراق رایگەیاند، عێراق دەتوانێت ببێتە خاوەن مۆدێلێکی ئابووری کە بە وڵاتانی دیکە بە نمونە وەری بگرن و لەگەڵ رێکخراوە عێراقییەکان کار دەکەن بۆ گەیاندنی ئاوی خاوێن بە زیاتر لە ١٠٠ هەزار کەس.
باسی لەوەش کرد، عێراق لە قۆناغێکی گرنگی دەستپێکردنی گۆڕانکاری و
رووبەڕووبوونەوەی گۆرانی کەش و هەوادایە و دەتوانێت ببێتە خاوەنی مۆدێلێکی سەرکەوتووی
ئابووری.
ئەوەشی خستە روو، بە هاوکاری رێکخراوەکانی یونیسێف و بەرنامەی
جیهانی خۆراک
دوو ملیۆن دۆلاریان بۆ رووبەڕووبوونەوەی وشکەساڵی گۆڕانی کەش و هەوا لە
عێراق تەرخانکردووە.
ئەلینا رۆمانەوسکی راشیگەیاند، ئەمریکا بەردەوم دەبێت لە هاوکاریکردنی
عێڕاق بۆ دانانی مۆدێلێکی سەرکەوتووی ئابووری کە بتوانێت رووبەڕووی گۆڕانی کەش و
هەوا ببێتەوە.
