پێشتریش،چاوگێک لە حکومەتی عێراق بە ئێن ئاڕ تی راگەیاند، بڕیار بوو هەرێم بە زووترین کات لیستی مووچەمان بۆ بنێرێت، بەڵام ماوەی هەفتەیەکە چاوەڕوانن و تا ئێستا حکومەتی کاربەڕێکەری هەرێم لیستی مووچەی بۆ نەناردوون.

ئاماژەی بەوەش کرد، ناردنی مووچەی مووچەخۆران بۆ هەرێمی کوردستان، پەیوەندیدارە بەوەی کە هەرێم بە زوویی لیستی مووچەیان بۆ بنێرێت.

هاوکات، سەڵاح بوشی، راوێژکاری دارایی محەمەد شیاع سودانی، سەرۆک وەزیرانی عێراق بە ئێن ئاڕ تی راگەیاند، حکومەتی عێراق هەموو ئامادەییەکی بۆ چارەسەری کێشەی مووچەی هەرێم دەربڕیوە، چارەسەری کێشەکەش، لە ئێستادا لای هەرێمە.
نزیکەی هەفتەیەک لەمەوبەر، حکومەتی کاربەڕێکەر رایگەیاند بڕیاریان داوەلە نزیکترین دەرفەت لە هەفتەی داهاتوودا کە دەکاتە ئەم هەفتەیە،لیستی نوێی راستکراوەی مووچەی مووچەخۆرانی هەرێم و ژمارەی وەزیفیان رەوانەی وەزارەتی دارایی فیدڕاڵ بکرێت و لە بەرامبەردا حکومەتی فیدڕاڵ تەواوکاریی مووچەی مانگەکانی پێشوو بنێرێت کە خەرجکردنی راگیرابوو، بۆ ئەوەی مووچەی مانگی هەشت لە هەرێم دابەش بکرێت و ئامادەکاریی پێویستیش بۆ مووچەی مانگی ٩ هاوتای مووچەی ناوچەکانی دیکەی عێراق بکرێت.