وتەبێژی دەستەی دەروازە سنوورییەکانی عێراق رایگەیاند، لە ماوەی ١٦ رۆژدا لە ١٠ دەروازەی سنووری عێراق هەرێمەوە، سێ ملیۆن و ١٣٣ هەزار و ٤٣٢ زیارەتکار هاتوونەتە ناو خاکی عێراق.
ئەمڕۆ پێنجشەممە، عەلائەدین قەیسی وتەبێژی دەستەی دەروازە سنوورییەکانی عێراق رایگەیاند، لە رۆژی ٦ـی ئەم مانگەوە سێ ملیۆن و ١٣٣ هەزار و ٤٣٢ زیارەتکار هاتوونەتە ناو خاکی عێراق.
ئاماژەی بەوەش کرد، سەرجەم ئەو کەسانە لەڕێگەی ١٠ دەروازەی
سنووری کە ئەوانیش دەروازەکانی سەفوان، شەلامجە، شەیب، زرباتیە، مەنزەریە، قائیم،
حاجی ئۆمەران، باشماخ، فڕۆکەخانە بەغدا و نەجەف، هاتوونەتە ناو خاکی عێراق.
ئەوەش خراوەتە روو، ژمارەی رۆیشتنەدەرەوە لە خاکی عێراق
لە ٦ـی ئەم مانگە و لەو دەروازانەوە یەک ملیۆن و ٦٠١ هەزار و یەک کەس بووە.
ساڵانە لەگەڵ بەڕێوەچوونی مەراسیمی چلەی ئیمام حسێندا، ملیۆنان
شیعە لە شارەکانی دیکەی عێراق و ئێرانەوە ڕوو لە کەربەلا دەکەن، کە حسێن بن عەلی بن ئەبی تالیب سێیەم ئیمامی
ناو شیعەکانە لە کەربەلا.
ئیمام حسێن لەگەڵ شوێنکەوتووان و ئەندامانی بنەماڵەکەی لە
رووداوی ئەلتەف لە شاری کەربەلا لە ساڵی ٦٨٠ زایینی به‌رامبه‌ر ٦١ کۆچی، شەهید
کراوە و لەوێ بەخاک سپێردراوە.