رێکخراوی یونسێف رایگەیاند، ٧٧ ملیۆن منداڵ لە ئەفریقا و رۆژهەڵاتی ناوەڕاست بەهۆی ئەو قەیرانانەی روویان لە ناوچەکە کردووە بەدەست بەدخۆراکییەوە دەناڵێنن.
رێکخراوی یونسێفی سەر بە نەتەوە یەکگرتووەکان راپۆرتێکی لەبارەی دۆخی منداڵانی رۆژهەڵاتی ناوەڕاست و ئەفریقاوە بڵاوکردەوە و راپۆرتەکەی بە شۆکهێنەر ناوهێناوە.
لە راپۆرتەکەدا ئەوە هاتووە، لە ئەفریقا و
رۆژهەڵاتی ناوەڕاست لە سێ منداڵ منداڵێک تووشی بەدخۆراکی بووە و بە گشتی ٧٧ ملیۆن
منداڵ بەهۆی قەیرانەکانی وڵاتەکانیانەوە بەدخۆراک بوون.
باس لەوەش کراوە، لە سەرجەم وڵاتانی ناوچەکە
کێشەی خراپی سیستمی خۆراک هەیە و بەهۆیەوە ٥٥ ملیۆن منداڵ رووبەڕووی قەڵەوی و زیادبوونی
کێش بوونەتەوە و ٢٤ ملیۆن منداڵیش بەدەست کەمی کێشیانەوە دەناڵێنن.
ئاماژە بەوەش کراوە، بەهۆی ئەو قەیرانانەی
رۆژهەڵاتی ناوەڕاسی و ئەفریقا پێیدا تێپەڕ دەبن و ناکۆکییە سیاسییەکان و تێکچوونی
کەش و هەوا و گرانبوونی خۆراک بوونەتە مەترسی جددی لەسەر منداڵان.
ئەوەش خراوەتە روو، قەیرانەکان بوونەتە هۆی
دروستبوونی برسێتی و لاوازبوون لە منداڵانی یەمەن و سودان و منداڵانی میسڕ و
لیبیاش بەدەست قەڵەوییەوە دەناڵێنن.
لایخۆشییەوە ئەدێل خزر بەڕێوەبەری هەرێمی
یوسێف لە باشووری ئەفریقا رایگەیاند، تەنها یەک لەسەر سێی منداڵانی بچووک ئەو خواردنە خۆراکییانە وەردەگرن کە پێویستیانە
بۆ گەشەکردن و گەورەبوون و تەندروست بوون.