لەچەند رۆژی رابردودا دۆناڵد ترامپ کاندی بۆ سەرۆکایەتی ئەمریکا رایگەیاندبوو، بەشێکی هێزەکانی ئەمەریکا لە عێراق و ئەفغانستان دەکشێننەوە و ئەمە یەکەم جار نییە فرۆکەکان بگەنە ئاسمان ناوچەکەم بەڵکو لە ساڵی ٢٠٢١ـدا دوو فڕۆکەی دیکەی بی ٥٢ی ئەمریکی هاوشان لەگەڵ چەند فڕۆکەیەکی جەنگی ئیسرائیل هاتونەتە سەر ئاسمانی رۆژهەڵاتی ناوەڕاست و کە لەوکاتەدا سەرەتای دەستبەکار بوونی بایدن و ماڵئاوای ترامپ بوو لە سەرۆکایەتی ئەمریکا.

فڕۆکەی بی ٥٢ توانای فڕینی بۆ ماوەی ٣٥ کاتژمێر بە بەردەوامی هەیە و مەترسیدارترین جۆری فڕۆکەی جەنگی بۆمبهاوێژی ئەمریکییە و مەودای دووریفرۆکەکە هەشت بزوێنەرە، ئەم فرۆکە بۆمبهاوێژە یەکەم فڕینی لە مانگی نیسانی ساڵی ١٩٥٢ ئەنجامدا و لە ساڵی ١٩٥٤ـەوە لە هێزی ئاسمانی ئەمریکادا بەکارهاتووە و جێگەی فڕۆکە بۆمبڕێژکراوەکانی کۆنڤایر بی ٣٦ و بی ٤٧ـی گرتەوە، کە لە سەردەمی جەنگی سارددا دروستکراوە کە پێویست بوو ڕێگری ئەتۆمی بکات، توانای هەڵگرتن و فڕێدانی 32 هەزار کیلۆگرام بۆمبی هەبووە.

ئەمەریکا لە هەموو جەنگێکدا ئەم فڕۆکەیە بەکارناهێنێت و لە ٧٠ ساڵی رابردوودا تەنها شەش جار بەکاریهێناوە کە سێ جاریان لە عێراق بوو، پێشتر سوپای ئەمەریکا فڕۆکەی بی ٥٢ـی زیاتر لەو جەنگانەدا بەکارهێناوە کە ویستوویەتی ئەنجامی جەنگەکە یەکلایی بکاتەوە .