PM:08:03:20/05/2024
1096 جار خوێندراوەتەوە
وەزارەتی تەندروستی فەڵەستین لە غەززە رایگەیاند، لە ئاکامی ھێرشەکانی سوپای ئیسرائیلدا بۆسەر کەرتی غەززە کە ماوەی ٢٢٧ ڕۆژە بەردەوامن، ٣٥ ھەزار و ٥٦٢ کەس کوژراون و ٧٩ ھەزار و ٦٥٢ی دیکەش برینداربوون.
وەزارەتی تەندروستی فەڵەستین لە کەرتی غەززە لە ڕاگەیەندراوێکدا، دوایین ئاماری لەبارەی ژمارەی قوربانیانی کۆمەڵکوژییەکانی ئیسرائیل لە کەرتی غەززە کە ماوەی ٢٢٧ ڕۆژە بەردەوامن، خستەڕوو.
ئەوەش خراوەتە روو، لە ٢٤ کاتژمێری ڕابردوودا، ١٠ کۆمەڵکوژی دیکە دژبە فەڵەستینییەکان
لە کەرتی غەززە، لەلایەن سوپای ئیسرائیلەوە ئەنجامدراون و لە ئاکامدا، ١٠٦ کەس
کوژراون و ١٧٦ی دیکەش برینداربوون.
باس لەوەش کراوە، ژمارەی ئەو فەڵەستینییانەی کە تا ئێستا لە ئاکامی هێرشەکانی ئیسرائیلدا لە غەززە کوژراون، بەرزبووەتەوە بۆ ٣٥ ھەزار و ٥٦٢ کەس و ژمارەی بریندارانیش
گەیشتووەتە ٧٩ ھەزار و ٦٥٢ کەس.
