دادگای فیدڕاڵی عێراق رایگەیاند، شێوازی نوێنەرایەتی کردنی پێکهاتەکانی ئێزدی، شەبەك و كوردی فەیلی لە پەرلەمانی عێراق نادەستورییە.
ئەمڕۆ سێشەممە، دادگای باڵای فیدڕاڵی راگەیەنراوێکی بڵاوکردەوە و تیایدا هاتووە، بەمەبەستی كاراكردنی رۆڵی نیشتمانی و هێنانەدی یەكسانی و پارێزگاری لە یەكێتیی نیشتمانی بۆ پێكهاتەكانی ئێزدی، شەبەك و كوردی فەیلی، بڕیاریداوە بە نادەستووریبوونی شێوازی نوێنەرایەتی ئەو پێكهاتانە لە پەرلەمانی عێراق.
لە بەشێکی دیکەی راگەیەنراوەکەی دادگای فیدڕاڵیداهاتووە،
پێویستە شێوازی نوێنەرایەتی ئەو پێکهاتانە یەکسانییان لەگەڵ پێکهاتەکانی کریستیان
و سائبییەکان بکرێت.
پێكهاتانەکانی ئێزدی و شەبەک و کوردی فەیلی كورسی كۆتایان
لە پارێزگاكانی دهۆك و نەینەوا و واست هەیە و دەنگدان پێیان لە چوارچێوەی ئەو پارێزگایانەدا
دەبێت.
هاوکات، بەگوێرەی بڕیارەکەی دادگای باڵای فیدڕاڵی دەبێت یاسای
هەڵبژاردن هەمواربكرێتەوە و دەنگدان بە نوێنەرانی پێكهاتەكان لە سەرتاسەری عێراقەوە
هاوشێوەی دەنگدان بە نوێنەرانی مەسیحی و سائبی بێت.
ئەمە لەکاتێکدایە، سێشەممەی رابردوورێکەوتی ١٥ی ٢ی ٢٠٢٢ دادگای
باڵای فیدراڵی عێراق بڕیارێكی لەبارەی نادەستووری بوونی یاسای نەوت و غازی هەرێم و
رادەستكردنی نەوت و كێڵگە نەوتییەكانی هەرێمی بە حکومەتی فیدڕاڵی دەركرد.