كەشناسیی هەرێم لەبارەی کەشوهەوای یەکەم رۆژی ساڵی نوێ دەڵێت، چاوەڕێدەكرێت نمەباران و بارانی مامناوەند لە زۆربەی ناوچەکان ببارێت.
ئەمڕۆ پێنجشەممە ١ـی کانونی دووەمی ٢٠٢٦، بەڕێوبەرایەتی کەشناسی و بومەلەرزەزانی هەرێم وتی، لە ناوچە شاخاوییەکان و ئەو ناوچانەی نزیکن لە ناوچە شاخاوییەکان ئەگەری بەفربارین هەیە، بە تایبەتی ناوچە سنوورییەکان، مێرگەسوور، ئامێدی، سنووری ئیدارەی سۆران، بەشێک لە ئیدارەی راپەرین و چیای سەفین لە پارێزگای هەولێر.
وتیشی، پێشبینی بەفربارین و دابەزینی
زۆری پلەکانی گەرما دەکرێت لە سەنتەری پارێزگای دهۆک و دەوروبەری و ئیدارەی زاخۆ،
لە کاتەکانی شەودا رێژەکە زیاتر دەبێت.
سەبارەت بە کەشوهەوای سبەینێش وتی، و
لە زۆربەی ناوچەكانی كوردستان باران دەبێت و بەفریش لە ناوچە شاخاوییەكان دەبارێت.
ئاماژەی بەوەشکرد،
نزمترین پلەی گەرما لە حاجی ئۆمەرانە کە -٢ پلەی سیلیزییە و بەرزترینیش لە کەرکوک
و گەرمیانە کە ٩ پلەی سیلیزییە.
بەرزترین پلەکانی گەرمای پێشبینیکراو
بۆ ئەمڕۆ بەم جۆرەیە:
سلێمانی: ٨ پلەی سیلیزی
هەولێر: ٨ پلەی سیلیزی
دهۆک: ٣ پلەی سیلیزی
زاخۆ: ٤ پلەی سیلیزی
کەرکوک: ٩ پلەی سیلیزی
هەڵەبجە: ٥ پلەی سیلیزی
گەرمیان: ٩ پلەی سیلیزی
حاجی ئۆمەران: -٢ پلەی سیلیزی
سۆران: ٢ پلەی سیلیزی
ئامێدی: ١ پلەی سیلیزی