PM:05:40:20/11/2025
25368 جار خوێندراوەتەوە
وەزارەتی ئەوقافی هەرێم، دەوامی فەرمی فەرمانبەرانی تا کاتژمێر چواری ئێوارە درێژكردەوە و رۆژانی شەممەش دەوام دەکەن.
ئەمڕۆ پێنجشەممە ٢٠ـی تشرینی دووەمـی ٢٠٢٥، وەزارەتی ئەوقاف لە راگەیەندراوێكدا بڵاویكرەوە، لەپێناو بەرژەوەندی حاجیانی کوردستان، ئەوقاف و کاروباری ئایینی، بەڕێوەبەرایەتی گشتی حەج و عومرە، بڕیاریدا، دەوامی فەرمی فەرمانبەرانی ئەو بەڕێوەبەرایەتیيه رۆژانە تا کاتژمێر چواری ئێوارە بەردەوام بێت.
ئاماژەی بەوەشکردووە،
رۆژانی شەممە کە پشووی فەرمییە لە تەواوی دام و دەزگا فەرمییەكان، بەڵام
فەرمانبەرانی بەڕێوەبەرایەتی گشتی حەج و عومرە تا کۆتاییهاتنی مامەڵەی حاجیان
تەواو دەبێت بۆ وەرزی حەجی ٢٠٢٦، ئەو پشووە نایانگرێتەوە.
وەك لە
راگەیەندراوەكەدا هاتووە، ئەم بڕیارەی وەزارەتی ئەوقاف و کاروباری ئایینی لەپێناو
خزمەتی زیاتری هاوڵاتیانە، کە ناویان لەتیروپشک دەرچووە بۆ فەریزەی حەج تا
بەزوورین کات مامەڵەکانیان راییبکرێت و زۆرترین خزمەتگوزاری و کارئاسانی بۆ
هاوڵاتییان بکرێت.
