AM:11:39:19/11/2025
712 جار خوێندراوەتەوە
ئەکبەر غەریب، پەرلەمانتاری نەوەی نوێ، لە کۆنگرەیەکی رۆژنامەوانی دەڵێت، رۆژانە مادەیەکی ژەهراوی لە نزیک دریاچەی دوکان و دەربەندیخان دەڕێژرێ کە بڕەکەی ٥٠ تەنە و پاشماوەی کارگە و پاڵاوگەکانە و لێکەوتەی خراپی تەندروستی دەبێت.
ئەمڕۆ چوارشەممە ١٩ـی تشرینی دووەمی ٢٠٢٥، ئەکبەر غەریب، پەرلەمانتاری نەوەی نوێ لە کۆنگرەیەکی رۆژنامەوانی دەڵێت، کیشەی ماددە ژەهراوییەکان و کارگوزارەکان پێشکەشی داواکاری گشتی دەکەن و ئەم دەسەڵاتە نەک هەر مووچەی بڕیوەو و ژیانی خەڵکی خراپ کردووە، بەڵکو دەستی خستۆتە ناو ئاو و هەواو و خاک و ژینگە و ژیانی هاوڵاتیانەوە.
ئاماژەی بەوەشکرد، لە نزیک عەربەت ١٤٠ کارگە هەیە و بەشێکیان نا یاساین و
بۆنەکانی ژەهراوین، ئەمە لێکەوتەی زۆر خراپی تەندروستی دەبێت.
وتیشی، ئەم دەسەڵاتە بەوەوە نەوەستاوە زوڵم لە بەشێک لە چین و توێژەکان بکات
و یاری بە قوت و ژیانی خەڵک بکەن، ئێستا دەستیان خستۆتە ناو گیرفانی کارگوزارێک و
پاککەرەوەیەکی ناو نەخۆشخانەکان، و بەپێی دوو رێنمایی کە وەزارەتی دارایی و
کاروباری کۆمەڵایەتی دەریکردووە، پێویستە هەر کارگوزارێک بڕی ٣٥٠ هەزاریان پێبدرێت
بەدەسەتی بەڵام ٢٧٥ هەزاریان پێدەدرێت و هەموو مانگێک بڕی ٧٠ بۆ ٨٠ هەزاریان لێدەبڕدرێت
لەلایەن کۆمپانیایەکی نزیکی پارتی و یەکێتی.
