PM:03:47:15/11/2025
1292 جار خوێندراوەتەوە
سبەی تاقیکردنەوەکانی نیوەی وەرزی یەکەم لە سەرجەم خوێندنگە بنەڕەتی و ئامادەییەکانی هەرێمی کوردستان دەستپێدەکات، وتەبێژی وەزارەتی پەروەردەش دڵنیایی دەدات کە خوێندنگەکان ئامادەکاریی تەواویان کردووە و پرۆسەکە بەپێی خشتەی دیاریکراو بەڕێوەدەچێت.
ئەمڕۆ شەممە ١٥ـی تشرینی دووەمـی ٢٠٢٥، سامان سیوەیلی، وتەبێژی وەزارەتی پەروەردە بە ئێن ئاڕ تی وت، "خوێندنگەکان خۆیان ئامادەکاری بۆ تاقیکردنەوەی نیوەی وەرز دەکەن و سبەی بەگوێرەی رۆژمێری پەروەردەیی تاقیکردنەوەکان دەستپێدەکات".
وتەبێژی
وەزارەتی پەروەردە ئاماژەی بەوەشکردووە، تاقیکردنەوەکان لە یەک کاتدا هەردوو کەرتی
خوێندنی حکومی و ناحکومی دەگرێتەوە.
هاوکات بەپێی رۆژمێری
وەزارەتی پەروەردە، تاقیکردنەوەی نیوەی وەرز لە ١٦ـی تشرینی دووەم دەستپێدەکات، تاقیکردنەوەی
کۆتاییی وەرز لە ١٥ـی کانوونی یەکەم دەستپێدەکات و هەروەها کۆتایی وەرزی یەکەمیش رۆژی
٢٤ـی کانوونی یەکەم دەبێت.
