AM:09:37:15/11/2025
1004 جار خوێندراوەتەوە
کارەبا گرانەکەی حکومەتی ماوەبەسەرچوو لە بەشێکی گەڕەکەکانی هەولێر و سلێمانی و دهۆک ماوەی چەندین کاتژمێرە کوژاوەتەوە، حکومەتی ماوەبەسەرچووش دەڵێن، بەهۆی بارانەکەوە کارەبا گرفتی تەکنیکی بۆ دروستبووە.
ئەمڕۆ شەممە ١٥ـی تشرینی دووەمی ٢٠٢٥، جارێکی دیکە بەشێکی گەڕەکەکانی هەولێر و سلێمانی و دهۆک کارەبا بە ناو ٢٤ کاتژمێرییەکەیان لەسەر کوژێنرایەوە و هەندێک لەو گەڕەکانە تا ئێستا کارەبایان نەهاتووەتەوە.
بەڕێوەبەرایەتی کارەبای سلێمانیش دەڵێت، بەهۆی باران بارینەوە لەسەر
تۆڕەکانی دابەشکردنی کارەبا، شۆرتی کارەبا دروستبووە و بەهۆیەوە کارەبای چەند شوێن
و گەڕەکێک بڕاوە.
پێشتریش وەزارەتی کارەبای حکومەتی ماوەبەسەرچوو وتبووی کە لە زستاندا
ناتوانن کارەبای ٢٤ کاتژمێری دابین بکەن و پێویستیان بە کارەبای مۆلیدەکان دەبێت.
