PM:04:04:11/11/2025
2320 جار خوێندراوەتەوە
لە دوو رووداوی تەقەکردنی جیاوازدا لە سنووری مەخموور و کەرکوک چوار کەس کوژران و سێ کەسی دیکەش برینداربوون.
ئەمڕۆ سێشەممە ١١ـی تشرینی دووەمـی ٢٠٢٥، لە ناحیەی دیبەگەی سەر بە مەخمور بەهۆی شەڕەتەقەوە لە نێوان دوو بنەماڵەدا دوو کەس کوژران و کەسێکی دیکەش برینداربوو، بەپێی زانیاریەکان شەڕەکە لەسەر کێشەی کۆمەڵایەتی بووە لە نێوان ئەو دوو بنەماڵەیەدا.
شەوی رابردووش لە کەرکوک
بەهۆی شەڕەتەقەوە لەنێوان لایەنگرانی چەند لایەنێکی سیاسیدا ڕوویدا و شەڕەكە ماوەی
چەند کاتژمێرێکی خایاندووە و لەلایەن ئەو لایەنانەی شەڕەکەوە دوو پۆلیس کوژران و
دوو هاوڵاتی دیکەش برینداربوون.
هاوکات، هەر بەپێی
زانیارییەکان دوای دەستێوەردانی سوپای عیراق و چەند هێزیكی دیکە شەڕەکە وەستێنراوە
و دۆخی ئەمنی شارەکە گەڕاوەتەوە باری ئاسایی خۆی.
