PM:08:28:10/11/2025
1236 جار خوێندراوەتەوە
حەج و عومرەی هەرێم دەڵێت، بە مەبەستی ئامادەكاری بۆ پرۆسەی حەجی ٢٠٢٦ ، رۆژی پێنجشەممە ١٣ـی تشرینی دووەم، دەست بە تاقیكردنەوەی مورشیدی ئایینی دەكات.
ئەمڕۆ دووشەممە ١٠ـی تشرینی دووەمی ٢٠٢٥، بەرێوەبەرایەتی گشتی حەج و عومرەی هەرێم وتی، لیژنەیەكی پسپۆر و شارەزا راسپێردراون بۆ سەرپەرشتیكردنی تاقیكردنەوە و هەڵسەنگاندنی مامۆستایانی ئایینی بۆ مورشیدی حەجی ساڵی ٢٠٢٦.
بەرێوەبەرایەتی گشتی حەج و عومرەی كوردستان دەشڵێت، تاقیكردنەوەی هەموو مامۆستایان لەیەك
كاتدا ئەنجام دەدرێت و پرسیارەكانیش بۆ هەموو مامۆستایانی بەشداربوو لە هەرێم یەك پرسیارە و هیچ جیاوازییەك نییە، تاقیكردنەوەكە لەیەك کاتدا دەست پێدەكات و كۆتایی پێدێت.
وتیشی،تاقیكردنەوەكە لە كاتژمێر نۆی بەیانی دەستپێدەکات، لە هەر سێ شارەکانی هەولێر و
سلێمانی و دهۆك.
