بەڕێوەبەری پەیوەندییەکانی ناوەندیی نێودەوڵەتیی بۆ دارایی و بازرگانی لەبارەی گرنگیی ناوەندەکەوە رایگەیاند، شاری سلێمانی دەباتە ناو نەخشەی بانکە داراییە نێودەوڵەتییەکان.
ئەمڕۆ پێنجشەممە ٢٠ـی شوباتـی ٢٠٢٥، شاد فیکرەت، بەڕێوەبەریی پەیوەندییەکانی ناوەندیی نێودەوڵەتی بۆ دارایی و بازرگانی لە کۆنگرەیەکی رۆژنامەنوسیدا رایگەیاند، ناوەندەکە لەسەر ئاستی عێراق و هەرێمی کوردستان کاردەکات بۆ کۆکردنەوەی بوارەکانی ئابووری و دارایی بەشێوازێکی سەردەمییانە و پێشکەوتوو.
ئاماژەی
بەوەشکرد، ناوەندەکە پێکهاتووە لە ژمارەیەک ناوەند و سەنتەری بازرگانی،کۆمەڵێک
بانکی ناوخۆیی و هەرێمی و نێودەوڵەتیی، هەروەها کۆمپانیای ئاڵوگۆڕی دراو و کۆمپانیای
تایبەت بە فرۆشتنی پشک و سەنتەری لێکۆڵینەوەی ئابووری، سەنتەرێکی راهێنان و سەنتەری
زیرەکی دەستکرد.
ئەوەشی خستەڕوو،
ناوەندەکە گرنگیی بۆ شاری سلێمانی هەیە و شارەکە دەباتە ناو نەخشەی جیهانیی ناوەندە
داراییە نێودەوڵەتییەکان، هەروەها، بانکی ناوەندی عێراق پلانی هەیە لە داهاتوودا
لقێکی رەسمی لە هەرێمی کوردستاندا بکاتەوە.
باسی لەوەشکرد،
هەردوو بانکی رافیدەین و رەشید لیژنەی تایبەتمەندییان ناردووە بە مەبەستی دیاریکردنی
شوێنەکانیان لە ناوەندەکەدا، بەڵام رێکارەکانی تەواوکردنی مامەڵەکانییان لەئێستادا
تەواونەبووە و لەسەر رەزامەندی تەیف سامی، وەزیری دارایی عێراق ماوەتەوە.