PM:08:17:13/02/2025
1608 جار خوێندراوەتەوە
ئاسایشی شارەزوور رایگەیاند، دوای چاودێریکردن و کۆکردنەوەی زانیاری ورد و ئەنجامدانی لێکۆڵینەوە لە دوو چالاکی جیاوازدا پێنج کەسیان بە تۆمەتی بردنی شوێنەوار دەستگیرکردووە.
ئەمڕۆ پێنجشەممە ١٣ـی شوباتـی ٢٠٢٥، بەڕێوەبەرایەتی ئاسایشی شارەزوور رایگەیاند، بۆ بەرەنگاربوونەوەی هەموو جۆرە مامەڵە و بازرگانیکردنێک بەپارچە شوێنەوارییەکان و پاراستنی و رێگریکردن لەگەڕان و پشکنینی نایاسایی لە ناوچە شوێنەوارییەکان لە دوو چالاکی جیاوازدا توانیویانە پێنج تۆمەتباری شوێنەوار دەستگیربکەن.
ئاماژەی بەوەشکردووە، لە ماوەی دوو مانگی
رابردوودا چالاکییەکانیان لە پارێزگای هەڵەبجە و شارۆچکەی سەیدسادق ئەنجامداوە و
توانیویانە پێنج تۆمەتبار دەستگیربکەن.
دەشڵێت، لەچالاکی یەکەمدا، هێزەکانی ئاسایش توانیان
دەستبەسەربڕی هەزار و (٤٤٤) سکەی جۆراوجۆری شوێنەواریدا بگرن، وتیشی، لەچالاکی دووەمدا،
هێزەکانی ئاسایش توانیان دەستبگرن بەسەر سێ ئامێری پشکنینی ناوچە شوێنەوارییەکان.
باسی لەوەشکرد، لە ئێستادا تۆمەتباران بەماددەی
٢٤ـی شوێنەوار دەستگیرکراون و لێکۆڵینەوە
لە دۆسیەکانیان بەردەوامە.
