PM:07:00:11/02/2025
3744 جار خوێندراوەتەوە
حکومەتی کاربەڕێکەر کۆمەڵێک بڕیاری نوێی لە دوا کۆبوونەوەیدا دەرکردووە و بە گوێرەی بڕیارەکانیش، دامەزراندن لە سەرجەم بوار و وەزارەتەکانی حکومەت راگرتووە.
ئەمڕۆ سێشەممە ١١ـی شوباتـی ٢٠٢٥، حکومەتی کاربەڕێکەر لە دوا کۆبوونەوەیدا بڕیاریدا، پێوستە دامەزراندن بە هەموو شێوازەکانی گرێبەست و هەمیشەیی و لە جیاتی دانان و وانەبێژ و خۆبەخش لە کەرتی گشتیدا رابگیرێت و ئەنجامنەدرێت، تەنانەت دامەزراندن لە پۆستە باڵاکان و بەڕێوەبردنەکانیش ئەمجام نادرێت.
ئاماژەی بەوەشکردووە، دەبێت سەرجەم وەزارەت و دەستەکان
پابەندبن بە لیستی مووچەی مانگی یەکەوە لەبەرئەوەی لیستی مووچەی مانگی یەک (کانونی
دووەم) کراوە بە پێوەر بۆ مووچەی تەواوی مانگەکانی دیکەی ساڵی ٢٠٢٥.
باسی لەوەشکردووە، ئەو بڕیارانە کاتین و تا
ئەوکاتە بەردەوام دەبێت کە بودجەی گشتی پەسەند دەکرێت.
