مێشک:

شەکر وا لە مێشک دەکات کە هۆرمۆنی دڵخۆشی و چێژبینین"دۆپامین" دەربدات، لەگەری زۆر خواردنی شەکردا ئەو هۆرمۆنەش زۆر دەردەدرێت و وەک ئالوودەبوونی لێ دێت.

جگەر:

جگەر فرۆکتۆز(یەکێک لە پێکهاتەکانی شەکر) بەکاردەهێنێت بۆ دروستکردنی چەوری، ئەگەر مرۆڤ شەکری زۆر بخوات، ئەوا چەورییەکان کەڵەکە دەبن و مەترسی تووشبوون بە نەخۆشی جگەر زیاددەکات.

ددان:

بەکتریایەکی تایبەت پاشماوەکانی شەکر لە دداندا دەخوات و دەیگۆڕێت بۆ ترشی لاکتیک، ئەوەش دەبێتە هۆی لابردنی کانزاکانی مینای ددان، ئەو پێکهاتەیەیی کاردەکات بۆ پاراستنی ددان لە کلۆربوون.

پەنکریاس:

بەرزبوونەوەی ئاستی شەکر لە خوێندا دەبێتە هۆی هاندانی خانەکانی بێتا بۆ دەردانی ئەنسۆلین، ئەمەش ئاماژەیە بۆ جگەر و ماسولکەکان بۆ ئەوەی دەستبکەن بە گۆڕینی گلوکۆز بۆ گلایکۆجین بۆ هەڵگرتن، کاتێک جەستە پێویستی بە وزەی زیاترە، گلایکۆجین دەشکێنێت، بەڵام دەبێت ئەوە لەبەرچاو بگیرێت کە تواناکانی ماسولکەکان و جگەر بۆ هەڵگرتن سنووردارە، بۆیە جەستە کاردەکات بۆ هەڵگرتنی زیادە لە خانە چەورییەکاندا و لێرەوە پرۆسەی زیادبوونی کێش لە جەستەدا دەستپێدەکات.

پێست:

گلوکۆز و فرۆکتۆز پەیوەندی لە نێوان ترشە ئەمینییەکان دروست دەکەن کە کۆلاجین و ئیلاستین دەکەنە مادەییەک، کە هۆکاری چرچ و لۆچیپێستن.

دڵ:

بەرزبوونەوەی ڕێژەی ئەنسۆلین لە خوێندا دەبێتە هۆی گەشەکردنی ماسولکەکانی دەوروبەری دیواری خوێنبەرەکان و ئەمەش دەبێتە هۆی زیادبوونی فشاری خوێن، لە کۆتاییدا نەخۆشییەکانی دڵ.