AM:08:46:19/12/2024
1092 جار خوێندراوەتەوە
وەزارەتی دەرەوەی عێراق رایگەیاند، وەزیری وەزارەتەکە لەگەڵ ئەمینداری گشتی نەتەوە یەکگرتووەکان لە پەیوەندییەکی تەلەفونیدا تاوتوێی دواین پێشهاتەکانی سوریا کردووە و هەروەها جەختیان کردوەتەوە لە پاراستنی مافی هاوڵاتیان و کەمینەکانی ئەو وڵاتە.
ئەمڕۆ پێنجشەممە، بەگوێرەی بەیاننامەکە فوئاد حسێن وەزیری دەرەوەی عێراق باسی لەوەکردووە، پێویستە کاربکرێت بۆ پاراستنی مافی کەمینەکانی سوریا و بێبەشنەکردنیان لە پرۆسەی سیاسی و دابین کردنی مافەکانیان لە چوارچێوەی حکومەتێک کە نوێنەرایەتی هەموو لایەنەکان بکات.
ئاماژەی بەوەشکردووە،
دۆخی سوریا ئاڵۆزە و گروپە چەکدارە تیرۆرستییەکان دەیانەوێت سوود لەو دۆخە وەربگرن
و ریزەکانیان یەک دەخەنەوە، وتیشی سوریا لەنێوان گروپە چەکدارەکاندا دابەشبووە.
لەوبارەیەوە
ئەنتۆنیۆ گۆتێرێس ئەمینداری گشتی نەتەوە یەکگرتووەکان ئەوەی خستەڕوو، لەڕێگەی نوێنەری
تایبەتی خۆیانەوە لە سوریا، بەردەوام بەدواداچوون بۆ دۆخ و کێشەکانی ئەوێ دەکەن،
وتیشی نوێنەری نەتەوەیەکگرتووەکان سەردانی دیمەشقی کردووە و لەگەڵ چەند لایەنێک کۆبۆتەوە،
هاوکات جەختی لەسەر گرنگی پێشکەشکردنی پشتیوانی بۆ گەلی سوریا کردەوە.
