PM:07:17:18/12/2024
2892 جار خوێندراوەتەوە
له‌ئه‌نجامی شه‌ڕی نێوان دوو بنەماڵە له ئاكرێ كه‌سێك گیانی له‌ده‌ستدا و سێ کەس برینداربوون
ئەمڕۆ چوارشەممە ١٨ـی ١٢ـی ٢٠٢٤، پەیامنێری ئێن ئاڕ تی ئاماژەی بەوەکرد، بەهۆی شه‌ڕی نێوان دوو خێزان له ئاكرێ، كه‌سێك گیانی له‌ده‌ستداوە و سێ کەسی دیکەش برینداربوون وپۆلیسی ئاکرێش دەڵێت، ئەو کەسەی گیانی لەدەستداوە تەمەنی ٢٣ ساڵە.
باسی لەوەش کرد، رووداوەکە بەجۆرێک بووە، ده‌مه‌قاڵێ له‌نێوان ئه‌ندامانی
دوو خێزان لە ئاكرێ دروستبووه و دواتر بووەتە شەڕ و تەقە کراوە.
هاوکات، پۆلیسی ئاکرێ رایگەیاند، بەهۆی شەڕەکەوە کەسێک گیانی لەدەستداوە
کە تەمەنی ٢٣ ساڵە، لە ئێستاشدا پەڕاوی لێکۆڵینەوەیان بۆ تەقەکەرەکان کردووەتەوە و
لە هەوڵی دەستبەسەرکردنی پێنج کەسدان کە دەستیان لە رووداوەکەدا هەبووە.
