AM:11:14:17/12/2024
880 جار خوێندراوەتەوە
وەزیری گواستنەوە و گەیاندنی عێراق رایگەیاند، لە ساڵی ٢٠٢٥دا بەندەری فاو بە فەرمی دەست بەکارەکانی دەکات و هەروەها قۆناغی دیزاینکردنی پرۆژەی رێگای گەشەپێدانیش لە ١٠٠٪تەواو بووە.
رەزاق موهەیبس سەعداوی وەزیری گواستنەوە و گەیاندنی عێراق بە میدیا عێراقییەکانی راگەیاند، کارەکانی بەندەری فاو نزیکبوونەتەوە لە تەواو بوون و لە ساڵی داهاتوودا بەندەرەکە بە فەرمی دەستبەکارکردن دەکات.
ئاماژەی بەوەشکردووە، پرۆژەی رێگای گەشەپێدان لە ١٠٠٪قۆناغی سەرەتایی
دیزاینکردنی پرۆژەکە تەواو بووە و لێکۆڵینەوە لە خاک و تۆپۆگرافی و پیویستی بینا و
پیویستییەکانی دیکە بۆ پرۆژەکە کراوە.
ئەوەشی خستەڕوو، ساڵی داهاتوو پرۆژەکە دیزاینی وردی بۆ دەکرێت و دواتر
دەدرێ بە کۆمپانیا گەورەکان بۆ جێبەجێکردن و دەستکردن بە کارکردن تیایدا.
