ئاماژەی بەوەشکرد، رێکەوتنەکە بۆ ئەوەیە کە سەدان پەنابەری کورد و عێراقی دیپۆرتی عێراق بکرێنەوە، حکومەتی عێراق و حکومەتی کاربەڕێکەری هەرێمی کوردستان ٥٠٠ هەزار پاوەندیان لە بەریتانیا وەرگرتووە، و رزای بوون بە دیپۆرتکردنەوە و ناردنەوەی سەرجەم ئەو عێراقیانەی کە کەیسەکانیان داخراوە، یان مافی پەنابەریان رەتکراوەتەوە.

وە ئەو بڕە پارە کە حکومەتی بەریتانیا ٢٠٠ هەزار پاوەند بە هەرێمی کوردستان دەبەخشێت، جێگەی گومان و تێڕامانە، چونکە بڕێکی زۆر کەمە، بۆیە لە ئێستادا حکومەتی بەریتانیا، پێی وایە رێککەوتنێکی سەرکەوتووی ئەنجامداوە و هەرچی زووە کار بۆ ئەوە دەکات جێبەجێ بکات.

ئەوە لە کاتێکدا ژمارەیەک لەو پەنابەرانە، چەند ساڵێکە لە ئەوروپا بەشێکیان، کاریان بۆ ئەوە کردووە کۆمەڵگەی دەرەکی و حکومەتەکان ئاشنا بکەن بە گەندەڵییەکانی بەرپرسان و سیاسیەکانی هەرێم، وە زۆرجار کاربەدەستانی هەرێمی کوردستان سەردانی بەریتانیایان کردووە و خۆپێشاندانیان دژی سەردانەکانیان کردوە و هێڵکە بارانیان کردوون.

هاوکات، رێکخراوی حەڤدەی شوبات لە بڵاوکراوەیەکدا دەڵێت، ئەو رێککەوتنە، سەرەڕای ئەوەی دژی یاسای مافەکانی مرۆڤ و مافی پەنابەری نەتەوە یەکگرتووەکان و یەکێتی ئەوروپایە، پێمان وایە حکومەتی عێراق و هەرێمی کوردستان ناتوانن هیج خاڵێکی رێکەوتنەکە جێبەجێ بکەن بۆ دەستگیرکردنی باندە قاچاخچیە کوردەکان.
چالاکوان ئاوات جەمال