PM:03:06:12/12/2024
3324 جار خوێندراوەتەوە
وەزارەتی دارایی حکومەتی کاربەڕێکەر رایگەیاند، بەشی زۆری كێشەكانیان پەیوەست بە مووچە لەگەڵ بەغدا چارەسەر كردوە، وتیشی لیستى موچەى مانگى ١١ وردبینى بۆ کراوە و وردبینی بۆ لیستی موچەی مانگی ١٢یش بەردەوامە.
ئەمڕۆ پێنجشەممە ١٢ـی ١٢ـی ٢٠٢٤، هونەر جەمال وتەبێژی وەزارەتی دارایی حوکمەتی کاربەڕێکەر لە کۆنگرەیەکی رۆژنامەوانیدا رایگەیاند، هەوڵی زۆریان داوە بۆ دابینکردنی مووچەی فەرمانبەران و هەوڵدەدەن هیچ موچەیەکی ئەمساڵ نەفەوتێت و وتیشی، پەیوەندیەکی پتەویان هەیە لەگەڵ وەزارەتی دارای عێراق
هاوکات، بەرەو
کۆتایی ساڵ دەڕۆین و هێشتا فەرمانبەرانی کوردستان چاوەڕێی مووچەی مانگی ١٠ن و تا ئێستا حوکمەتی کاربەڕێکەر لیستەکەی بڵاونەکردۆتەوە لەکاتێکتدا، حوکمەتی عێراق
هەموو مووچەی ئەمساڵی فەرمانبەرانی عێراقی دابەشکردووە.
